Dekabrniñ 2-ne keçer gecesi Rusiye ordusı Odesa vilâyetiniñ cenübine uçucısızlarnen kütleviy şekilde ücüm etti. Bu aqta vilâyetniñ arbiy memuriyet yolbaşçısı Oleg Kiper bildirdi.
Onıñ aytqanına köre, darbeniñ maqsadı vatandaş ve energetika infrastruktura obyektleri oldı: energetik obyekt, memuriy bina ve mustaqil evler zarar kördi.
Yanğın söndürildi, lâkin ücüm elektrik problemlerine yol açtı. Kritik infrastruktura vaqtınca generatorlarda çalışa, dep yazdı Kiper.
DTEK haber etkenine köre, Rusiye şirketniñ energetik obyektine darbe endirdi.
"8000 qoranta rezerv shemalarnen bağlap oldıq. Daa 36 300 – vaqtınca ışıqsız", – dep aytıla haberde.
Rusiye tarafı Odesa vilâyetine qarşı darbe endirdi.
Rusiye arbiyleri Ukrayina regionlarına muntazam sürette ücüm ete. Rusiye akimiyeti Rusiye ordusı büyük cenk vaqtında Ukrayinanıñ vatandaş infrastrukturasına darbe endirgenini inkâr ete.