Rusiyeniñ Dniproğa qarşı darbesi neticesinde yaralanğanlarnıñ sayısı 45-ke qadar arttı. Bu aqta vilâyetniñ arbiy memuriyet yolbaşçısı Vladıslav Ğayvanenko Telegram kanalında bildirdi.
Onıñ aytqanına köre, daa eki yaralanğan kişi ekimlerge yardım içün muracaat etti. Bundan evel dört elâk olğan ve 43 yaralanğan kişi aqqında belli edi.
Dekabrniñ 2-nde Dniproda matem künü ilân etildi, dep qoştı Ğayvanenko.
Onıñ bildirgenine köre, aqşam ve gece Rusiye ordusı Samarskiy rayonınıñ Liçkovskiy cemiyetine uçucısızlarnen ücüm etti. Yanğınlar çıqtı, infrastruktura zarar kördi. Bundan ğayrı, Sinelnikovskiy rayonınıñ Mejevskaya cemiyetine Rusiye arbiyleri KABlarnen ücüm etti, neticede eki insan – 77 yaşında erkek ve 79 yaşında qadın yaralandılar.
"Nikopolşçinağa darbeler devam etti. Pokrovskaya cemiyetine istilâcı toplarnen ateş açtı", – dep qoştı Ğayvanenko.
Onıñ aytqanına köre, ava mudafaa küçleri gece vilâyette yedi uçucısıznı urıp tüşürdi.
Dekabrniñ 1-nde saba Dnipro şeeri raketa ücümine oğradı. Ukrayina akimiyetiniñ malümatına köre, Dnipronıñ merkeziy qısmında müessisege ballistik raketanen ücüm etildi.